i and you
عزيزي الزائر/عزيزتي الزائرة يرجي التكرم بتعريف نفسك الينا بالدخول الي منتدي اذا كنت عضو او التسجيل ان لم تكن عضو وترغب في الأنضمام الي أسرة المنتدي
التسجيل سهل جدا وسريع وفي خطوة واحدة
وتذكر دائما أن باب الأشراف مفتوح لكل من يريد
شكرا
ادارة المنتدي


the best forum in the world
 
الرئيسيةhttp://myegy.coالتسجيلدخول

شاطر | 
 

 أنا عايز أتجوز

اذهب الى الأسفل 
كاتب الموضوعرسالة
semsemaeng

avatar

عدد المساهمات : 21
نقاط : 33786
تاريخ التسجيل : 27/07/2009

مُساهمةموضوع: أنا عايز أتجوز   الخميس أغسطس 13, 2009 1:46 am

[i]مقالة بقلم محمد أشرف
أنا عايز أتجوز .... جملة كتير بيخافوا يقولوها وكتير بيفكروا فيها

تفتكروا إيه هيه معوقات الزواج ... طب ليه نسبة الطلاق في إزدياد ... وليه شبابنا وصل للمرحلة إللي وصلها دي وهل الشباب منزوي ورا شماعة الإمكانيات والحالة الإقتصادية
وليه كان فيه لهفة وشوق في الحب قبل الجواز وفتور في الحب بعد الجواز

عاوزة اعرف رايكوا في الموضوع ده......................[b]
الرجوع الى أعلى الصفحة اذهب الى الأسفل
megedo(mohamad abd elgawa

avatar

عدد المساهمات : 25
نقاط : 33656
تاريخ التسجيل : 07/08/2009
العمر : 29

مُساهمةموضوع: رد: أنا عايز أتجوز   الخميس أغسطس 13, 2009 5:47 am

الموضوع كبيييير جداااا...اولا احنا دلوقتي كشباب محوطين طول اليوم بالكلام عن الحب اغاني وافلام وقصص صحابنا....ده بيدفعنا ان احنا نستعجل ونوهم نفسنا بحب شخص معين وده بيخلينا نتسرع ونقع في غلطات وتتفركش العلاقه فجأه لاننا مش ناضجين خالص وخدناها بسرعه....والجواز مش صعوبته في الفلوس او الاقتصاد لانهم رغم اهميتهم مش عامل اساسي ..اللي مصعبه ان بعض عائلات البنلات مزودينها حبتين علي الشاي اللي يدوبك بيبتدي حياته وكمان فيه ولاد مش عايزين يتجوزوا عشان هما ماعندهمش قابليه لتحمل المسئوليه وعايزين يقضوها حوارات وخلاص ....وبالنسبه للحب فطبييعي تلاقي اتنين بيحبوا بعض موووت وبعد الجواز كل ده يقل ..اصل الحب زي الورده لو ماسقيتهاش تموت...لازم نعترف ان لهفه الحب الاولي والاشتياق بيقلوا مع اعتياد الشخص وده مش معناه ان الحب مات ده معناه انه وصل لمرحله انضج وهي التفاهم الكامل والعشره ولالفه وكانهم شخص واحد...بس لازم الزوج يغير من الروتين عشان الحب مايموتش...يخلي مراته تغير ستايلها ويكلمها حلو ويسافروا مثلا ويخرجوا بره ومثلا ممكن يخليهيا تروح تقعد مع اهلها مده وهو يرجع لبيت اهله شويه ويفتكروا وهم لسه شباب وبجد هيرحعوا مشتاقين لبعض اكتر من الاول.....الطلاق بقي بيحصل لان مكانش فيه معرفه كامله بالطرف لاخر قبل الزواج والانبهار هو اللي عجل بزواج مبني علي اسسس ضعيفه...وكمان ان كتير من الشباب ملاقوش اللي يعلمهم طرق المناقشه الصح ومراعاه الفروق بين الراجل والست...يعني الينت مثلا اما تحكيللك علي مشكلتها مش بتبقي عايزه حلها دي عايزالك تنصتلهل شويه..البنت مثلا بتخرج انهفعالاتها اول باول زماتعرفش تنطوي زي اراجل....البنت مثلا بتهتم بالتفاصيل عكس الولد....بتحب الكلام الكتير مش رغي لكنه طبيعه فهيا...اما تحب هي تطلب حاجه بتلمح...يعني فيه فروق لو عرفناها كاولاد مع التكافؤ والتقارب هتلاقبي الحياه بيييييييييييييس يا مان
الرجوع الى أعلى الصفحة اذهب الى الأسفل
semsemaeng

avatar

عدد المساهمات : 21
نقاط : 33786
تاريخ التسجيل : 27/07/2009

مُساهمةموضوع: رد: أنا عايز أتجوز   الخميس أغسطس 13, 2009 10:07 pm

عندك حق في كلامك والله
بس لو اعتبرنا ان اي شخص بيمر بعدة مراحل
اولا
مرحلة ما قبل الحب
----------------------
والمرحلة دي فيها كذا عامل :

التربية والتأهيل
-----------------
ودي بتبدأ من أول ولادة الطفل وإزاي أبوه وأمه بيربوه بالإضافة إلي البيئة المحيطة بيه وإللي بتتمثل في الجيران والأقارب والأصدقاء والمدرسة والتلفزيون طبعاً والحقيقة أن الطفل بيتأثرجدا والعوامل دي بتكون حوالي 99% من شخصيته عند سن 7 سنين

نقطة تانية مهمة في التربية وهي إن لازم الآباء يعودوا أطفالهم من صغرهم علي تحمل المسؤلية والقدرة
علي إتخاذ القرار ... في رجاله متجوزة وعندها أولاد وميعرفوش ياخدوا قرار بسيط لوحدهم

... إحنا بنشوف في الغرب الولد أو البنت بيسيب بيت أهله عند سن 16-18 سنة وبيعتمد علي نفسه
أنا مش بشجع دا ... أنا بشجع الآباء لتأهيل أبنائهم لتحمل مسئولية نفسهم علشان يعرفوا بعد كدا ينفصلوا عن
الأسرة لتكوين أسرة جديدة وبدعوا كمان لتعليم الأطفال كيفية إعالة أنفسهم

ونطلع من هنا بأحد أسباب المشكلة وهو الشباب غير متحمل للمسؤلية وغير قادر علي الإنفصال عن أهله وإعالة نفسه
وباقي المراحل فيما بعد
الرجوع الى أعلى الصفحة اذهب الى الأسفل
megedo(mohamad abd elgawa

avatar

عدد المساهمات : 25
نقاط : 33656
تاريخ التسجيل : 07/08/2009
العمر : 29

مُساهمةموضوع: رد: أنا عايز أتجوز   الجمعة أغسطس 14, 2009 4:40 am

التربيه مهمه فعلا بس مين يسمع...............اي اب وام بمهمتم تعليم ولادهم في تعليم طويس ويشتغلوا وشكرا ونسسيوا يعلموهم المسئوليه.....انا اعرف شباب واخدين الجواز علي انه متعه سريعه وخلاص وعادي لو فضل زي ماهو ويخرج وقت مايعوز ويسهر وعادي وكانه متجوز اي حاجه مش انسان ورقيق كمان........واعرف بنات قمه الاستهتار مش عارفين حاجه عن الجواز ولا يعرفوا يعملوا حاجه في بيتهم واتعودوا علي ان مامتهم يتعمل كل حاجه وده يخلي الزوج يتفاجأ بشخص مابيعرفش اي حاجه عن البيت او المسئوليه.....التربيه فعلا مهمه
الرجوع الى أعلى الصفحة اذهب الى الأسفل
ali hossam
مدير المنتدى
مدير المنتدى
avatar

عدد المساهمات : 133
نقاط : 34177
تاريخ التسجيل : 21/07/2009
العمر : 26
الموقع : http://7abibi.ba7r.org

مُساهمةموضوع: أنا عايز أتجوز   الجمعة أغسطس 14, 2009 2:16 pm

بجد ده موضوع جميل جدا ويستحق المناقشه فعلا فيه ناس كتير جدا بينطقوها لكنهم للاسف مش عارفين يعيشوها وبيرجع السبب الى  حاجتين 1/ انه يكون فيه تقصير ماااااادى وده من ناحيته 2 /اما انه تكون المطالب كتيره جدا وده بيبقى من ناحيتها هيه والمشكله دى مش هتتحل الا انه كل منهم يقدم تنازلات للاخر علشان تستمر الحياه لانه بكده هتزداد العنوسه من ناحيه الرجال والاناث   وده اولا  ثانيا بقى ان معظم الشباب والشابات غير متحملين للمسئوليه تماما بمعنى انه يكون فكرها انها  ازاى تجيب حاجه جابتها جارتها  ولازم تبقى احسن منها كماااااان وهوه بيبقى عاااااوز يكون مستقبل افضل من اجل اولاده  ولو قال لاء يبقى حط  نفسه قدام مشكله كبيره جداااا  مش لازم الفتيات تبص للى عند جارتها او ماشابه من الاخر على راى المثل على قد لحافك مد رجليك ومن هنا بتزداد  نسبه الطلاق  والايام دى نسبه الطلاق عاليه جداااااااااا واللهفه والشوق والحب بيكون قبل الزواج جامد اوى فلازم كل منهم يكون عنده اتزان قبل وبعد الزواج  لانه مش هينفع نبقى  بنظهر كلام الحب قبل الزواج اومال هنسيب ايه بعد الجواز  لازم نكون هاديين ف كلامنا وعلاقتنا علشان ما يحصلش فتور زى ما هو مشهور والنبى عليه الصلاه والسلام  كان بيحب نسائه حبا لايقارن بقصص الحب اللى زى روميو وجوليت وكده وحتى تعالوا انظروا لقصص الحب الاسطوريه كلها  مكتملش الحب بالجواز  فلازم يكون فيه اتزان علشان نعرف نعيش حياتنا العاطفيه
الرجوع الى أعلى الصفحة اذهب الى الأسفل
http://7abibi.ba7r.org
megedo(mohamad abd elgawa

avatar

عدد المساهمات : 25
نقاط : 33656
تاريخ التسجيل : 07/08/2009
العمر : 29

مُساهمةموضوع: رد: أنا عايز أتجوز   الأحد أغسطس 16, 2009 3:38 am

كلامك صح وتمام فعلا..................البص للي عند الغير اساس مشاكل كتيررررررررررررررررررررررررررررررررررررررر
الرجوع الى أعلى الصفحة اذهب الى الأسفل
semsemaeng

avatar

عدد المساهمات : 21
نقاط : 33786
تاريخ التسجيل : 27/07/2009

مُساهمةموضوع: رد: أنا عايز أتجوز   الأحد أغسطس 16, 2009 8:57 pm

اكيد عندكوا حق بس البص ده ممكن في اي حاجة تانيه بس مش بيبقى في الجواز ده لان الاغلبية دلوقتي متعلمين لكن الموضوع ده كان بيحصل زمان
بس اللي متاكده منه ان الطلا ق في الغالب بيحصل من سوء الاختيار و زي ما بيقولوا مراية الحب عامية
اما دي مراحل بيمر بيها الشباب اكيد بتاثر فيهم
النت والتلفزيون
-------------------
دلوقتي مع وجود التكنولوجيا في حياتنا أصبحت عامل رئيسي بنستمد منه قيمنا ومبادئنا وعاداتنا وتقاليدنا
أصبحت المبادئ والقيم في مهب الريح
وطبعاُ التكنولوجيا زي ما فيها الحلو فيها الوحش ودلوقتي مع إنتشار العري والإباحية في التلفزيون والنت
لا يسعنا إلا أن نتأكد إن دا من الأسباب الجوهرية في مشكلتنا دي وموضوع النت والتلفزيون دا ملوش غير حل واحد
وهو التربية والتنشئة السليمة للطفل وإللي أصبحت مهمة شاقة في الوقت
الحالي... مهم جدا أن الطفل يتربي صح علشان لو حاد عن الطريق يكون عنده
قيم إتربي عليها ترجعه تاني

الجيرل فريند
--------------
البعض بيسميها صداقة والبعض الآخر بيسميها زمالة والبعض بياخدها تسالي
والحقيقة لو فكرنا في النقطة دي هنلاقيها بتشبع بعض رغبات الطرفين نتيجة ميل كل جنس للآخر
والغريب في الموضوع إنك لو قولت لولد مثلا مصاحب بنت أن القصة دي من الأول غلط هيرد عليك بحاجة
من تلاتة يإما هيقولك ياعم دي تسالي لإما هيقولك أوعي تقول الكلام دا ... دي صداقة بريئة
لإما هيقولك إحنا بنحب بعض وهنتجوز في الآخر ... والغريبة إن نسبة إللي
إتجوزوا بعض بعد ما كانوا فرندس قليلة جدا تكاد لا تذكر وأنا الحقيقة مش
فاكر النسبة بالظبط .... نيجي بقي للولد إللي بيصاحب بنات وتسأله إنتا
ممكن تتجوز واحدة صاحبتها يقولك لأ طبعاً أنا متجوزش واحدة أنا مشيت معاها
... أنا أضمنها إزاي ... هي ممكن تمشي مع غيري ... وأنا لما أتجوز أتجوز
واحدة متعرفش ولاد ....... شوفتوا بقي المصيبة فين



مرحلة الحب وما قبل الزواج

---------------------------

الخوف من المجهول
-----------------------
الخوف من إتخاذ قرار الجواز وما إذا كانت المختارة مناسبة ولا لأ وخصوصاً
وجود إحتمال إستمرار الزواج أكتر من 50 سنة عند التفكير في الإستقرار
والخوف من الرفض والخوف من مستقبل الجواز
وإنتهاء فرص الإختيار وتقييد الحرية وتحمل المسئولية

أزدياد متطلبات المعيشة
------------------------
زمان كان البيت فيه حصيرة وفرن ولمبة جاز وحاجات تانية بسيطة ... دلوقتي
مش محتاج أعدد الموجود في البيت المصري ودا من الأسباب الرئيسية إللي
مغليه المعيشة

المغالاة في تكاليف الجواز
-------------------------
ودا عامل من العوامل المهمة جدا وإللي غالبا مش بنشوف غيره ومش بناخد
بالنا من العوامل التانية وأعتقد أن بعض الأسر المصرية بدأت في محاولة
تلافي العامل دا
وياريت يكون دور الأسر المصرية التسهيل مش التعجيز


مرحلة الزواج وما بعده
---------------------

لهفة وشوق قبل الجواز وفتور بعد الجواز

-------------------------------------
ودا نتيجة لإن الحب قبل الجواز بيغذيه لهفة اللقاء والشوق وبعد الفراق والكلام الرومانسي الجميل
أما بقي بعد الجواز فإللي بيغذي الحب هوه حسن العشره وتوافق الطباع
والشخصيات وتقارب المستوي الثقافي والمستوي البيئي والتنازلات المتبادلة
من الطرفين والنقطة دي تلخص المفيد المطلوب
وإللي بيسبب الفتور هو عدم فهم المعادلة السابقة دي بالإضافة إلي ظهور الملل والروتين في حياة الطرفين
والمشكلة إن الشباب بيبنوا الحياة الزوجية علي الحب إللي قبل الجواز فقط
مش توافقهم وتقارب مستوياتهم وإستعدادهم لتقديم تنازلات... ودا ليه دور
وعامل في نسبة الطلاق العالية

تدخل الآباء في حياة الزوجين

---------------------------
....سواء برضي الطرفين أو طرف واحد أو عدم رضا الطرفين.... الحالة الأولي
بتدل علي إن الزوجين غير مؤهلين لمسئوليات الزواج وفي المرحلة دي دور
الآباء توعيتهم مش التدخل في خصوصياتهم
أما في الحالة التانية بتدل علي عدم أهلية أحد الطرفين لمسئوليات الزواج
ودا بيستدعيه إنه يسمح لأهله بالتدخل في الخصوصيات وطبعا مش محتاجين نذكر
المشاكل نتيجة التدخلات دي....
أما في الحالة التالتة فدا بيبقي محاولة من الأهل التدخل في الخصوصيات نتيجة عدم تأهل الطرفين أو نتيجة إعتقادهم بعدم أهلية الطرفين


الأختيار الخاطىء لشريك الحياه

------------------------------
ودا بييجي نتيجة إن الشباب والبنات بيتجوزوا بدون ما يسألوا نفسهم ما إذا
كان دا هوا الشريك المناسب للحياه ودا بيبقي نتيجة عدم وجود مواصفات معينة
لشريك الحياة موضوعة مسبقاً قبل التفكير في الجواز
والمواصفات دي لازم تبقي مكتوبة ومراعي فيها الحاضر والمستقبل وكل ما يخص
أمور الحياه ... يعني مش الطول والوزن واللون وبس .... أو نتيجة لإن البنت
بتخاف ليفوتها قطر الجواز وتعنس وتقرر تقبل
أي عريس يتقدم فيه مواصفات مقبولة وهو ضل راجل ولا ضل حيطه

الطلاق
-------
ونسبته زادت جداً بين المتجوزين حديثاً ودا نتيجه عدم معرفة الطرفين
بكيفية تغذية الحب بعد الجواز مش كدا وبس ... ممكن كمان نتيجه إختيارهم
السئ لبعض إللي يستحيل معاه تغذية الحب بعد الجواز


اكيد في كتير خايفين من الجواز بنات وشباب


الخوف من الجواز بيرجع لعدة أسباب منها

-------------------------------------------
*قرار الجواز قرار صعب علي أي شاب وبنت لأنه ببساطة عقد غير محدد المدة
وغير قابل للرجعة فيه يخيف الطرفين من المستقبل واحتمالات فشل الزواج
وإنتهاء فرصة الإختيار
*الأفكار إللي بتظهر مع فكرة الارتباط، زي أن الشاب والبنت يفكروا طب أعمل
إيه لو قابلت حد تاني أحسن من الأولاني وفكرة مدى صعوبة خطوة الطلاق بعد
الجواز وخصوصا لو في أولاد
*الطرفين بيفكروا أنه بمجرد الإرتباط فأي قرار بيتخذ بطريقة مشتركة بين الطرفين وبكدا بتزيد مخاوف الطرفين من فقدان حرية القرار
*والخوف الأكبر هو الخوف من المسئولية

شباب كتير بيبرر سبب تأخره في الجواز نتيجة عدم التقائهم بالشريكة
المناسبة وممكن نربط المشكلة دي بشخصية الشاب إللي ممكن يكون بينتظر وقوع
الحدث ومش بيفكر إنه يصنع الحدث
ولو كان تفكيره كدا يبقي هيستني كتير في ظل مجتمعنا إللي بيفرض علي الراجل
السعي للجواز من المرأة مش العكس ... وطبعاً دي مهمة مش سهلة

: أنماط شخصيات الشباب
عارف مواصفات شريكة الحياة وممكن يتنازل عن بعض المواصفات
عارف مواصفات شريكة الحياة ومش هيتنازل عنها
عايز يتجوز ومتردد
عايز يكمل نص دينه وخلاص
عازف عن الجواز

أنماط شخصيات البنات :
عارفة مواصفات شريك الحياة وممكن تتنازل عن بعض المواصفات
عارفة مواصفات شريك الحياة ومش هتتنازل عنه
عايزة تتجوز وخايفه يفوتها قطر الجواز

وأحسن نمط للجنسين هو ... معروف مواصفات شريك الحياه وعلي إستعداد للتنازل عن بعض المواصفات
ايه المواصفات اللي لا يمكن تتنازلو عنها وايه المواصفات اللي ممكن تتنازلوا عنها؟؟؟؟؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
 
أنا عايز أتجوز
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
i and you :: المنتدى الترفيهى العام :: منتدى النقاش الجاد-
انتقل الى: